點擊上方獅子山下關注香港最新時事

民陣召集人岑子杰星期三晚俾人打到「頭破血流」、一度「神志不清」要搶救，第二日就貼張紗布喺額角仲笑笑口。但原來當晚佢哋已經光速搞好被打傳單，即日攞去印，第二日就派街坊，積極到好似匯報政績一樣。唔少網民質疑岑子杰嗰邊夜晚7點幾俾人扑、9點幾先清醒，到底係點樣「攝時間」去搞文宣？呢排網上咁鍾意推理，有網民就質疑點解岑子杰方面有時間寫一篇文嚟做傳單，但就唔夠時間擺一張受襲現場嘅相上去，質疑佢係咪「未扑先知」，「唔通做（宣傳）單張時件事仲未發生，冇相？」 ■香港文匯報記者 文根茂
網上噚日流傳岑子杰嘅選舉宣傳單張，上面洋洋灑灑咁描述佢星期三晚「被襲」一事。雖然單張下款寫住係星期四，但最底嗰行就反映咗張單張其實係星期三印。唔少網民就開始計數，夜晚7點半先遇襲，幾時可以寫好篇文趕起即晚印傳單呢？
若即晚搞掂 為何無血照
最近煽暴派嘅大堆陰謀論，都培養咗唔少網上偵探。有網民話，根據《蘋果日報》嘅報道，岑子杰係16日晚9點38分「經急救後先清醒」，覺得「距離凌晨12點仲有短短約兩個鐘時間」，「搵人幫手做排版編輯，仲要夜媽媽（麻麻）搵到Printing用靚紙彩印2,000大張（單張），而單張竟然唔加受傷相（定係做單張時未發生所以無相呢）（？）絕對有事前製作定之嫌。」「gabohk」更揶揄岑子杰係「未『扑』先知」。
團隊照理先問傷 後宣傳
有政界人士就認為，唔排除岑子杰嘅同事喺吽u遇襲」之後第一時間編輯印製單張嘅，但按照正常嘅邏輯，岑子杰傷得咁鬼重，「唔係應該第一時間關心同事傷勢咩？點會第一件事掛住宣傳呢？」政界人士就希望佢可以快啲好返，盡快向大眾解釋返啲疑點。
煽暴派總有神奇嘅復元功能，除咗幾個月前個腦度有乒乓波咁大個腫瘤嘅「民主派會議」召集人陳淑莊，喺唔使坐監、做完手術後就迅速變得龍精虎猛外，岑子杰今次嘅神速復元，光速出文宣，都令網民嘖嘖稱奇。
煽暴派遇襲 次次保住靚樣
有啲網民就搵咗市民俾暴徒動私刑，同埋近期遇襲嘅煽暴派做對比，發現市民下下都俾人打到血流披面，塊面都俾人噴黑埋，打親都唔止半分鐘幾十秒，對比起岑子杰只係額角貼紗布，民主黨鄺俊宇又係黐膠布，「港獨」藝人何韻詩只係俾人淋紅油落後腦，網民就製圖反問︰「你哋遇襲個個塊面都冇事？」
(原文出自2019年10月19日文匯報)(圖片轉自網絡)